Кицаш

Саг болатал чIоагIагIа вале а, зизал бочагIа ва.

Иман дар ва ираз дар.

Визза къонах овлияэл лакхагIа лаьрхIав Дала.

Везачоа далар а ийшадац, цавезачох алар а ийшадац.

Гаьнашта лакхе «шорх» латт, гаьнашта лохе тем латт.

Дошлорг

Ахьар (да) - помол
Аьла (ва) - князь
Гахьар (да) - узор
Иман (да) - высокая моральная чистота
Лаьлиг (я) - снегурочка

Коазой Нурдин

йоазонхо

Дувцар

Моза

Садуа моза бенаб со волча. Лергашкара дIахадац цун «зуз-за». Эккхабича, юхабоагIа; лерга юххера дIа ца боалаш, садуъ цо. «Зуз-за, зуз-за, зуз-за» мара хIама дац хозаш. 

- ДIаяхар хозаш далара хьона, моза. Къамаьл кхетадеш балара хьо, моза. ТIаккха цхьа барт бергбар вай. - Кор хьадийллар аз. - Болле, – ях аз мозанга, – баь тIа гIо хьайна! Зизашка моаршал хатта хьайна! Кхыдолча мозашца ловза хьайна!

Аз аьннар кхетадича санна, корах арабахар моза. Са лергера хаьдар «зуз-за». Цецваьккхар со мозо, амагIваьккхар со мозо. ДIааьннар хозаш бий-хьогI из? Къамаьл кхетадеш бий-хьогI из?