Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
БIехашк-моза
Моза чубаьннаб тха цIагIа. Маькха IотIахайра из. Варени чуйолча када чу чубаьлар из.
БIéхашк ба моза! Кхалашка лел из, кулгаш дилац цо, когаш Iохьакхац цо.
Са йишас хIама тIатессар даарашта. Гата лестадеш, моза эккхабе хьежар из. Моза-м сиха ма бий! Моза-м говза ма бий! ДIабаха тигац цо.
Тур а даьккха тIехьаведар со мозанна цIогIа а теха:
– Аз бувргба хьо, моза!
Кхера а бенна, корах араийккхар моза.