Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
«Хачеш ювхаш, хьа ма аха...»
Цхьа йиIиг ена хиннай ишколе, маIача наьха хачи йийха. Из бIаргаяйна директор тIехьа чуенай классе. Эккхаяьй цо йиIиг:
- Кхы сона бIарга ма яйталахь укхаза, хачи ювхаш. Шо доагIе, шоана а хургда из, - аьннад цо классага.
ШоллагIча дийнахьа, Ини цIагIа Iийнав.
- Деша хIана водац хьо? – хаьттад нанас.
- Хачеш ювхаш, хьа ма аха аьннад тхога, - яьхад Ине.