Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
Митал
Митал текхаш йоагIа, баьца мергIилга тIагIолла. Сиха яц из вIалла.
– Ва митал, хьол мекъагIа вIалла дийна хIама йий-хьогI? – хетт аз цунга.
Юхайистхилац митал. Мукъа яц из соца къамаьлаш де. Ший неш-митал йолча хьоашалгIа йодаш я из. Нешо йийхай из чай мала. Дахар-денар а дувцаш, чай а молаш, хоза сайре дIахьоргья цар цхьана.