Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
ЧIормаяьхача цхьатарра я-кх уж...
Ишколе аха ца везаш, аьхки салоIача хана, базар тIа апельсинаш йохка вахийта хиннав Яни дас, ше цу дийнахьа мах бе мукъа воацандаь.
Апельсиний яьшка Iо а оттаяь, мах IотIаязбаь ер латташ, тIаений цхьа йоккха саг:
- Фу дех, кIаьнк, апельцилинех? - хаьттад цо къонача дохкархочунга.
- Итт тума дех кийлах, - жоп деннад Яне.
Яьшка чура сомаш хержа, кIалтIабетта йолаеннача йоккхача сага аьннад:
- ТIехнахьа кIаьдаш латташ ма йий хьа ераш цхьаяраш. Фу даьд акхарна?
Цкъарчоа ше фу даь жоп лургда ца ховш висача Яне яьхад:
- ЧIормаяьхача цхьатарра я-кх хьона уж ерригаш!