Кицаш

Воча дешах мотт лорабе, къоалах кулг лораде.

Дукха вахар — дуне дика довзар.

Чубеллар - низ, гибеллар - мухь.

Сихало са диад, сабаро лоам баьккхаб.

Ший цӀагӀа - хьаьша, наьха цӀагӀа - фусам-да.

Дошлорг

Шедолг (я) - свирель
Чайтоанг (я) - медвежонок
Неш (я) - подруга
ЦIокъ (да) - тигр
Тума (да) - десять рублей, червонец

Iарчакханаькъан Сали

йоазонхо

Дувцар

Бакъда-кх из...

- Дӏаяхача урока тӏа вай дийцадар цӏердош. Хьан аргдар, фу къамаьла дакъа да из, малагӏча хаттарашта жоп лу цо?

Саг йистхиннавац. Тӏаккха хьехархочо ше аьннад:

- Цӏердешо сага е хӏаман цӏи йоаккх, цун хаттараш да мала? малаш? фу?

- Бакъда-кх из, - яьхад хьалхашкарча мугӏар тӏа вагӏача Ине.