Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Фаьлг
БIизг
Баь тIа йижа улл бIизг, ткъамаш дIа-юха а доаржадаь.
– Уффой, кIаьдъеннай со, – йоах цо.
– Фу даь кIаьдъеннай хьо, бIизг? – хетт цунга зунгато.
– Тахан денна истарца лаьтта оахаш хиннай со, – жоп лу бIизго.