Кицаш
Воча дешах мотт лорабе, къоалах кулг лораде.
Дукха вахар — дуне дика довзар.
Чубеллар - низ, гибеллар - мухь.
Сихало са диад, сабаро лоам баьккхаб.
Ший цӀагӀа - хьаьша, наьха цӀагӀа - фусам-да.
Фаьлг
Дахкани пхьидеи доттагIал
Цкъа дахкои пхьидои доттагӏал тесса хиннад. Шоаех доттагӏий а хинна, шоаш къасташ дахко аьннад:
- Доттагӏий а хинна дӏа-м ма къастий вай, цхьанне вокхунна новкъостал де дезача хана а, бӏаргаго дезача хана а ховрг мичад вайна, хьо хи чу ма яхий, со къорга чу ма бахий. Воайла вӏашагӏдетталургдолаш цхьа белгало е еза вай.
- Мегаьд хӏаьта, - аьннад пхьидо, - шинне а когах тӏӏирг ехка еза вай. Цаӏ вокхунна эшаш хилча, тӏӏиргах катоха мара езац вай, цунах ховргда вайна вӏашагӏкхета дезилга.
Цаӏ вокхунна новкъостала а ухаш, уж хоза дахача хана, дахкилг хиннаб баь тӏа ловза арабаьнна. Из бӏарга а байна, тӏакхийттача аьрзе лаьцаб. Дахкилг аьрзе урагӏхьоча хана, хи чура пхьид а аратокхаяьй.
- Хӏанз фу леладу ӏа? Хетаргахьа, хьай лоӏамах йоацаш хьувз хьо, - яхаш хиннад, из юххе гӏолла тӏехйоалаш, новкъосташа пхьидарча.
- Айса гӏулакх доацаш хетта гаргало еце, даьра, хац сона-м ер фуд, - аьнна, жоп деннад пхьидо новкъосташта.
Хӏаьта аьрзена дахкилги пхьиди шиъ кхаьчад, цар доттагӏал тесса хиларах.