Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
«...ТIаккха цIогIа хьекхаргда хьона»
Яни хиннав, лоамашка салаIа водаш. Остановке автобус соцае езача хана, Iобовла безача наха геттара шортача оазаца оалаш хиннад:
- Соцаелахь...
- Тиканна юхе соцаелахь.
- ТIаьх ваьлча соцаелахь.
- КIеззига чIоагIагIа алал из, хIама хьахазац укхаза, - аьннад водитела.
Из дIахозаш, водитела юхе вагIача Яне яьхад:
- Остановкал тIехъэккха мара везац хьона, тIаккха цIогIа хьекхаргда хьона.