Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
ХIанз фу хиннад?
Гулбеннача наха юкъе чӏоагӏа цӏогӏа хьекхаш, велхаш лаьттав цхьа зӏамига кӏаьнк.
- Фу хиннад хьона? Хӏана велх хьо? - хаьттад цунга новкъа хьалвоагӏача цхьан къонахчо.
- Пхи сом дайнад-кх, - аьннад кӏаьнка.
Цунга цӏогӏа ца хьекхийта дагахьа, кисара хьадаьккха пхи сом дӏакховдадаьд къонахчо. Из дӏаэццашехь, кӏаьнк кхы чӏоагӏагӏа велха волавеннав.
- Ай, хӏанз фу хилар хьона? - хаьттад вокхо.
- Хӏанз тума хургдар-кх сога! - аьннад кӏаьнка.