Кицаш
Воча дешах мотт лорабе, къоалах кулг лораде.
Дукха вахар — дуне дика довзар.
Чубеллар - низ, гибеллар - мухь.
Сихало са диад, сабаро лоам баьккхаб.
Ший цӀагӀа - хьаьша, наьха цӀагӀа - фусам-да.
Дувцар
Питам
МоцагӀа-моцагӀа хиннад из.
- Со лайла хьа! Хьа уна лайла со! - оалаш мара ший маьрага йистхулаш хиннаяц, йоах, цхьа сесаг, цунга из шийна сов чӀоагӀа дукха веза моттийта дагахьа.
Башха цох тешаш воацача мара из гӀулакх дӀадийцад ший лоалахочунга. Цига цар шинне соцам баьб, шун цӀагӀара цхьанне са эца Дала дайта малайк да со, аьнна, новкъост гӀоргволаш.
Кхы саг цӀагӀа воацача хана чу а ваха, шоаш дийцача беса, лоалахочун сесагага: «Шух шиннех цхьанне са эца дена малайк да со», - аьннад лоалахочо.
- Со-м гӀийла я. Дика тоавенна, верста ва хьона са мар. Цун са эца хьайна! - яьхад йоах сесага.