Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
Дошо сом
ДIа-юха мел водача хана, лаьтта Iо а хьежаш, водаш хиннав Цаген. Наха хаьттад:
- Лаьттара фу лаха воалл хьо?
- Iодежа дошо сом сайна корадоагIий хьажа воалл со, - аьннад Цагена.
- Корадаьдий хьона? - хаьттад наха.
- Укх шовзткъа шера цхьа ногIарт-м корадаьдац. Корадергдий из, сол цIаьрматагIа ераш хилча? - яьхад Цагена.