Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
ПIажи веце
Iура денз сарралца, дIайхача дийнахьа наькъа йисте Iохайна ваьгIав Цаген. Из бIаргавайнача наха хаьттад:
- Фу деш вагIа хьо укх наькъа йисте?
- Укх новкъа гIолла дIавахар юхаварга хьежаш вагIа со, - аьннад Цагена.
- Ай, малав из укх новкъа гIолла дIавахар? – хаьттад наха.
- Даьра, хац сона-м, - аьннад Цагена, - ПIажи веце из малав.