Кицаш
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар до
Шийна тӀера вир-говр дайнадац, наха тӀера хенжа-меза байнаб.
Фаьлг
Тха юртара нани
Яхаш я тха юрта нани,
Кхы тайпа цIи яккхац цох цхьанне.
Лелаю цо зIамига беш,
Я из бешах доаккхал деш,
Москал, котам, боабашк, гIаж,
Кхы а бешкарта етт ба Iеш.
Я из нани хьинар долаш,
Кулгаш да цун беркат долаш.
Нани берашта дукха еза,
Йистхилар да цун мерза,
КIолд чуелла хингалаш
Оал цо берашка: «Даалаш!»
Пайда боаца Iокхосс саьгIаз,
Чура че ца яккха даькъаза.
Яа комсаш, даа бIараш,
Дарбане да уж, дIахалаш.
Нани, яхийла хьо дукха,
Беркат долаш да хьа рузкъа,
Даим хийла йолаш могаш,
ЦIаккха ма хийла хIамах хьагаш!