Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
Москал
Москве воI волча вахав Муртаз, шийца тенна москала боргIал а ийца. Ше ЦIеча майданна юхекхаьчача, машин соцаяь, тIера Iоваьннав ер; бакъахьа ва со майданга хьежача, аьнна.
Москала когах тIIирг а тесса, ер волавелча, мичара вера ца ховш, тIавенача милиционера аьннад:
- ЦIеча майдан тIа, цу тайпарча оалхазарца лела бокъо яц. Муртаза, дIа-юха а хьежа, пIелг тIахьекхар дуккха гулденнача кхокхарчашта:
- Ераш фуй, оалхазараш мара?
- Уж-м машара оалхазараш да, - жоп деннад милиционера.
- Iалаьлай, ма хала нах да-кх вай, са москал хьоца дов де дагахьа ений тIаккха?! - яьхад Муртаза.