Кицаш
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар до
Шийна тӀера вир-говр дайнадац, наха тӀера хенжа-меза байнаб.
Фаьлг
Чоапилг
Чоапилг гIетташ лела баь тIа гIолла. БIарча денна хозаш да «жуж-жа». КIордаяьй чоапилг массанена - мозашта, баскилгашта, гизгашта, зунгаташта, йилбазаговрашта, доадолгашта, кIормацашта, нIанашта, когахъухаргашта.
- Ва, чоапилг, - йоах цунга, - салаIа хьайна, тхога а салаIийта!
ХIама дIахозаш яц чоапилг, ший «жуж-жа» соцадеш яц. Хоза хет цунна баь тIа гIолла гIетташ лела. ХIаьта «жуж-жа» цун ткъамаш ду.