Кицаш
Воча дешах мотт лорабе, къоалах кулг лораде.
Дукха вахар — дуне дика довзар.
Чубеллар - низ, гибеллар - мухь.
Сихало са диад, сабаро лоам баьккхаб.
Ший цӀагӀа - хьаьша, наьха цӀагӀа - фусам-да.
Дувцар
«ЙIаьхагIа оттаел из...»
- Бераш, - аьннад хьехархочо, - тахан вай шуца Iомадир предоложене тайпаш. Дийцар чIоагIдеш, массехк предложени оттаел шоай дагахьа.
- Аз оттаяьй, - аьннад Яне.
- Хьаювцал, - кIаьнкага ладувгIа кийчвеннав хьехархо.
- Тха классе дукха бераш да.
- КIеззига йIаьхагIа оттаел из.
- Тха классе дукха, дукха, дукха бераш да, - аьннад дешархочо.