Кицаш

Воча дешах мотт лорабе, къоалах кулг лораде.

Дукха вахар — дуне дика довзар.

Чубеллар - низ, гибеллар - мухь.

Сихало са диад, сабаро лоам баьккхаб.

Ший цӀагӀа - хьаьша, наьха цӀагӀа - фусам-да.

Дошлорг

Шедолг (я) - свирель
Чайтоанг (я) - медвежонок
Неш (я) - подруга
ЦIокъ (да) - тигр
Тума (да) - десять рублей, червонец

Iарчакханаькъан Сали

йоазонхо

Дувцар

«Уйче чу ва-кх...»

Урок йолалуш, вар-воацар хетта волавеннав хьехархо:

- Къургиев.

- Со.

- Кизгиев.

- Со.

- Фордиев.

Саг йистхиннавац.

- Вац, - аьннад хьехархочо ше.

- Волаш ва из, - хьакхайкав  тIехьашкарча мугIар тIа вагIа Яни.

- Мичав из? - классе гIолла дIа-юха хьожаш, чакхваьннав вож.

- Уйче чу ва-кх, - яьхад Яне.