Кицаш
Воча дешах мотт лорабе, къоалах кулг лораде.
Дукха вахар — дуне дика довзар.
Чубеллар - низ, гибеллар - мухь.
Сихало са диад, сабаро лоам баьккхаб.
Ший цӀагӀа - хьаьша, наьха цӀагӀа - фусам-да.
Га дика я, сом латаш яле — саг дика ва, гӀула...
Байташ
Вир
Ды бе ма гӏерта вирах,
Лелийта вир варий ларах,
Нагахьа хьо гӏорте вирах бе ды;
Дехад хьа гӏоарал, дайнад хьа ди.
Къонал
Къона волаш, уйлаш къона хул,
Дег чура яьле, дегӏацара дӏатулл.
Ахьми
Ахьми ва аз
Вувцар.
Дезаш дий шо
Вовзар?
Ноаной ба эшаш
Дика хул
Беррига ноаной:
Къонабараш
Е къоаной.
Бекарг
Бекарга бетта йоагӏа бекарг.
Вай хьунашка даим екарг!
Вай юрташка даим яхарг!
Бекарг-екарг, бекарг-яхарг.
Мецхилг
Шелденнад хьо, мецхилг?
Мецденнад хьо, мецхилг?
Ӏоха са гӏалан коа.
Шоршалаш
Шоршалаш, шаршалаш,
шаршалаш, шоршалаш,
ашараш алале,
делаш шоай халхараш!
Боахабе ноаной
Ер дуне мел латт,
Ноаной боахабе.
Миччахьа бале,
Дикаца хьоахабе.
Малх
Ара ягIар
Со, Iохайна.
Малх хьалбаьлар
Дукха гайна.
Дайна ираз
Дайна ираз,
Къаьрза бIарг:
ДIачуваха
Доаца цIалг,
Довха
Босе. Хьун йовхаш. Садов ха.
Мичай хьо, мичай, са довха!
Буц я хьалтӏаяьнна ховха.
Корайоагӏаш яц са довха.
Моаш
- Алал-дувцал оаш,
мича долх хIанз шоаш?
- Яйна лел со моаш.
Яйрий шоана моаш?